Ajša Kandić         

Ona je sinonim za predivnu osobu.Primjer svima nama.

Svaku ulogu je odigrala za vrhunski aplauz ,a kao učiteljica je prosto prevazišla granice mogućeg.Draga naša Ajša je bila dio našeg kolektiva 15 godina i dala veliki doprinos vaspitanju i obrazovanju.Na putu od Nikšića do Mataguža svaki dan su se radjale nove ideje koje su uljepšavale život mališanima.Uprkos godinama,kreativnosti nikad nije falilo.Davno je rečeno koliko smo sposobni da volimo i sebe dajemo toliko će nam i život imati smisao.E,onda je njen život pun sjaja i radosti.Pozitivna,vesela,puna znanja i volje davala je sebe nesebično.I uspjela.Brojni njeni djaci su profesori,pravnici,studenti …. a što je najbitnije –dobri ljudi.To nije fraza,to je zaista tako.Stvorila je pozitivnu emocionalnu klimu u odjeljenjima medju djecom, pokazala im da od nje imaju podršku na intelektualnom ,socijalnom,ali i na emotivnom planu.Olakšala je posao i nama,kolegama.Sa njenom djecom je bilo lako raditi.Sa roditeljima takodje.I kada im nije predavala bila je tu.Svi su je osjećali.

Draga naša Ajša,hvala ti što si bila dio nas,hvala na pozitivnosti,znanju,kolegijalnosti i na brojnim savjetima.Želimo ti od srca srećan odlazak u penziju ,da nam dugo poživiš i uživaš u danima koji slijede.

Lidija Rašović